طريقة فتح حسابات الفيسبوك المغلقة وأسباب غلق الحسابات

الاكونت بتاعي بيتقفل لواحدة وانا ما عملتش اي حاجة ؟!! طيب تعالا نفهم ليه الاكونتات بتتقفل علشان تبقى عارف سبب اي حاجة بتحصل للأكونت فل كده …
الأسم الزائف :-
يعني انت بتتسخدم اسم غير حقيقي مش موجود فى الواقع، فا المفروض انت تستخدم أسمك الحقيقي اللى موجود فى البطاقة او شهادة الميلاد بتاعتك + كمان انك تقدر تحط اسم الدلع بتاعك بين قوسين جنب اسمك ودي اللى اسمها Nick Name
نشاط غير إعتيادي :-

[ads]

يعني السيستم شايف انك بتعمل حاجة انت مش متعود تعملها زي مثلا انك تنشر فى كل الجروبات او تعمل منشن لكل الاصدقاء او تبعت رسايل او تعمل حاجة بدون تحكم شخصي منك وتلقائيه بشكل سريع جدا مرتب وعشوائي كأنك بوت طبعا دلوقتي من زيادة الحماية بتاعتهم بقي الاكونت بيتقفل لما يشيل حد من الصفحة او من الجروب وده بيعتبرو نشاط غير أعتيادي بيكون حماية ليك على اعتبار انك مخترق
عمليات تسجيل الدخول غير المعروفة :-
يعني انت بتفتح الاكونت بتاعك فى مكان غريب اول مرة تفتح منه ومش متعود تفتح فيه الاكونت بتاعك والاكونت بيتقفل بسبب اختلاف IP فى لوحة تسجيلات الدخول بتاعك فا الاكونت بتاعك بيتقفل وبيجيلك أختبارات امان لفتح الاكونت زي اختبار الصور او اخر ناس اتكلمت معاهم او اخر تعليقات عملتها او تأكيد بتاريخ الميلاد او ارسال كود للرقم بتاعك للتأكد من انك فعلا مالك الحساب
انتحال شخص أخر :-

[ads1]
يعني ان فى شخص بلغ عنك انك بتنتحل شخصيته وبتحمل نفس معلوماته الشخصية الخاصة في الفور بيتم قفل حسابك بعد مراجعة من السيستم وبيطلب فيها تأكيد صحة معلومات حسابك وده بيحتاج بطاقة شخصية، شهادة ميلاد، رخصة قيادة، كارنية الجامعة، باسبور او اي هوية تثبت صحة معلومات حسابك علشان يتفتح وده سهل جداً
حساب معطل إنتهاك :-
يعني انت استخدمت ميزة من ميزات الفيس بوك بشكل غير صحيح واستغلالي او الاتصال بأشخاص آخرين بغرض المضايقة أو الإعلان أو الترويج على الفور بيتم تعطيل حسابك وبيطلبو منك تأكيد معلوماتك وبيعملو مراجعة وبيشوفو ايه اللى انت عملته لو شئ مش بيسبب خطر على باقى المستخدمين او بيضرهم فى حاجة بيكون انتهاك عادي لكن لو بيضر هتلاقيه بيقولك للأسف، لن نتمكن من إعادة تنشيط حسابك لأي سبب كان وطبعا بياخد وقت اطول من اللازم علشان الاكونت يتفتح
حقوق الملكية :-
يعني انت رفعت محتوي او صورة ليهم حقوق ملكية لجهه تانيه وده الفيس بوك ما بيسامحش فيها بيديلك تحذيرات وبعدين حذف على طول سواء للاكونت او للصفحة لأنهم ما بيسامحوش فى حقوق الملكية ابدا وده اللي بسببه طار بيدجات كتيير
تحت السن القانوني :-
يعني انت الاكونت بتاعك اقل من 13 سنه والفيس بوك غير متاح للأعمار اللى اقل من 13 سنه وده لانه بيعتبر طفل غير مؤهل للأستخدام الفيس بوك ولو تلاحظ فى الممول بيبدأ من 13 – 65 سنه وهو ده السن المسموح بيه على الفيس بوك
وعلشان تتجنب كل الحاجات اللى فوق دي :-
1- تستخدم اسمك الحقيقي اللى موجود فى البطاقة
2- تكتب معلوماتك كاملة بشكل صحيح + تاريخ ميلادك يكون نفس اللى فى البطاقة
3- ما ترفعش فيديوهات عليها حقوق ملكية لمسلسل او فيلم جديد او فيديو كليب
4- ما تشتركش فى تطبيقات ليها حق الوصول لبعض الميزات الخاصة بحسابك
5- تكون رابط الاكونت بتاعك ببريد عارف الباسورد بتاعه
6- ما تلعبش فى حاجة مش فاهم فيها حاجة ولا عارف بتعمل ايه
7- اسأل فى اللى مش عارفه واتعلمه علشان تعرف تستخدمة صح
8- ما تجربش اي حاجة جديده على الاكونت بتاعك اتأكد من صحتها الاول
9- ما تعملش اكتر من حساب بنفس اسمك ومعلوماتك
10- ما تدخلش على روابط مجهولة المصدر او مش موثوق فيها.
– تشجيع المشاركات أو تسجيلات الإعجاب أو النقرات عبر هويات مزيفة
أنك تشترك فى موقع اوتو لايك بيخليك تعمل لايكات وكومنتات وهكذا
– الفشل في تمكين وظائف تم الوعد بها
– الفشل في تقديم مكافآت تم الوعد بها
دول مش فاهمهم دلوقتي بس متعملهمش وخلاص ??
– الفشل في التوجيه إلى محتوى تم الوعد به
انك تنزل رابط مثلا المفروض بيحول على موقع وفجأه يحولة على موقع مختلف
– تشجيع المشاركات أو تسجيلات الإعجاب أو النقرات التي تؤدي إلى تعريض أمان المستخدم للخطر
انك تنزل رابط او بوست وتقول اعملوا لايك وشير وادخل هنا هتكسب بيض بالبسطرمة
– طلب نسخ رمز JavaScript ولصقه
تستخدم اكواد جافا اسكربت علشان تعمل وظيفة بشكل سريع
– الاحتفاظ بصفحات مخصصة فقط لترويج الهدايا عبر الإنترنت
صفحات الcpa وشغل ابو نواف والكلام ده
واخيراً اللي مش فاهم حاجة يقولها بقي