111111111

الفرق بين فيزا 4u والمصرف المتحد أو اى فيزا للتعامل على النت

اول حاجه عشان تطلع كارت انترنت في اغلب البنوك مش بيطلب منك اثبات دخل او ورقة من شركتك انك موظف ودي نقطه مهمه في انشاء الحسابات البنكيه

الحاجه التانيه هي انهي افضل ؟

كل واحده ليها ميزة وعيب وانت لازم تركز في كل النقط وتحدد انت عاوز ايه
* ملحوظه متحطش موضوع انك عاوز احسن حاجه واكبر حاجه واعلى حد اقصى وانت في الاخر هتشتغل ب 50-200 دولار كل كام شهر او شهريا على اسرع الظروف

ليه بقول كده عشان متكلفش نفسك وتقعد تعمل مثلا كريديت كارد وانت في الاخر مش هتستفيد منها بربع امكانياتها وتخش في قصه الربا بتاعها وتكسر عليك ايام السداد والقصه دي

فالافضل انت اللي هتحدده تبعا لظروفك واستخدامك
نقطه مهمه جداااااا الناس لازم تاخد بالها منها وهي ان الفلوس في الكروت اللي مش وراها حساب بنكي ( كروت الدفع المسبق – كروت النت )
الفلوس دي مش بتتسحب تاني الا لو هتلغي الكارت يعني فلوسك في اتجاه واحد فقط

العربي الافريقي
ايداع كل شهر 15000
سحب كل شهر 1000$
المبلغ المودع بيتم تنشيطه بعد الساعه 8 في اليوم ده

حلوة وشغاله على جووجل وباي بال وفيس بوك في الدفع

البنك الاهلى
اللمت بتاعها صغير مش فاكر ( ارجع للبنك )
واعلى ما افتكر انها بتشتغل داخل مصر فقط وبالجنيه المصري
( راجع البنك يمكن فتحوها تاني بس مظنش )
الميزه الوحيده هي انك تودع من المكنة الخاصه بالبنك في الشارع في اي وقت من اليوم والفلوس بتبقه جاهزه علطول مبتاخدش وقت زي التانيين

بنك مصر
بتطلع في اسبوع او اتنين
والايداع في البنك وزحمه بنك مصر صعبه ولا الجمعيه الاستهلاكيه
نك مصر الفلوس بتاخد يومين عمل عشان تشتغل. وبتشتغل بالليل برضو !!!!

فيه بنك الاهلى المتحد بيقوله الكارت بتاعه كويس بس معنديش معلومه كافيه ولا جربته لسه

فيه بقه نظام انك تعمل حساب بنكي وتفعل الدفع الالكتروني علي كارت الحساب وتشتغل منه

لازم ورقة اثبات دخل خصوصا للرجال لو شغال في شركه تجيب افادة من الموارد البشريه او سجل تجاري وبطاقه ضريبيه اي ورق انك واد كسيب وكده ?

البنك الاهلى ( ايداع من المكنه ) حد اقصى 6000ج في العمليه و120.000 في الشهر

البنك التجاري الدولي سي اي بي
ايداع في المكنه ومفتوح اكتر عن الاهلى

QNB فيه
ده تتأكد من الموضوع وتفعل ونفس الكلام وتشتغل
تقريبا دول افضل بنوك في الموضوع ده
ومميز برضو

الخلاصه انت هتراجع انت عاوز ايه وتخش تشوف البنك وتتأكد من كل نقطه مع خدمه العملاء في البنك مش عالتلفون عشان بيفتوا كتير في التلفون وهتبلس

الكريديت كارد ودي مرحلة الوحش

بتشتغل على كل حاجه تقريبا وسحب وايداع وكله ولكننننن

انت عشان تاخدها يا اما تكون حاطط سندات او وديعه او بضمان حاجه او موظف ومرتبك كبير عشان تاخد ليميت محترم وهكذا

بتحط مبلغ مثلا 10 الاف بتاخد الكارت بضمان المبلغ وبيفضل عندهم رهن كده تسحب منه حد اقصى 90% تقريبا
ولازم ترجع اللي سحبته خلال 55 يوم ولو اتأخرت المبلغ بيتحط عليه فوايد

فيه بنوك بتحط فايده على اجمالى التعاملات كمان فنخلي بالنا ونسألهم على كل نقطه ونراجع الورق اللي هتمضي عليه

22222