حل مشاكل تأخر أرشفة المواضيع، بتتعامل معاها ازاي؟

مشاكل تأخر أرشفة المواضيع، بتتعامل معاها ازاي؟

الارشفة = Indexing
يعني جوجل زحف للموضوع وابتدي يعرضه ف نتائج البحث.

1- الطريقة اليدوية
إنك تدخل أدوات مشرفي المواقع – Webmaster Tools
جلب مثل جوجل -Fetch As google 
و تحط رابط الموضوع بدون رابط الدومين
يعني لو الموضوع 
https://www. example .com/groups/masryno

يبقى تحط ف الخانة
groups/masryno
و تعمل جلب – Fetch

[ads]

وبعد كدا تدوس علي ارسال للفهرسه – Request Indexing
الطريقة دي ف الغالب الموضوع بيتأرشف بعدها بدقايق.

2- تحديث موقعك بشكل مستمر ، سواء بأضافة مواضيع جديدة ، او تحديث القديم.

3- إستخدم مواقع اللى بتعمل Ping للمواضيع زي Pingler وما شابه.

4- خلي ديما موجود في الودجت ( القائمة الجانبية ) او (قائمة الناف بار) مكان بيظهر فيه أحدث مواضيعك تلقائي. 


هيساعد جدا علي انتقال زحف العناكب من اي مواضيع اخرى لأحدث مواضيعك ف الموقع و هيساعد جدا ف رفع نسبة الزحف و الارشفة للمواضيع الجديدة بأذن الله.

5- كل ما كان محتواك حصرى و غني و قوى كل ما كان فرصة الزحف ليه أعلي.

6- الخرائط sitemaps بتساعد ع تنظيم صفحاتك المهمة اللى موجودة فيها وبتبعتها لجوجل عشان تتأرشف. تابعها بشكل مستمر عشان ساعات بتطلعل فيها ايرور عالجه وشوف المشكلة فين متتجاهلهاش عشان متبقاش قصرت في حاجة.

[ads1]

7- نقطة ادفانسد. ( مفضلة لمن يقومون بنشر عدد مواضيع كبير يوميا )

لو موقعك كبير و محتوى متجدد بنسبة كبيرة جداً.
عدل علي معدل الزحف بشكل يدوي
ادخل من ادوات مشرفي المواقع.
ادخل علي موقعك ودوس علي الترس ⚙️ بجانب رابط الموقع و كلمة المساعده.
ادخل علي اعدادات الموقع – Site Settings 
اختار تقييد معدل الزحف الأقصى – Limit Google’s crawl rate
و ارفع النسبة ( بعقل )  مش بالكترة 

8- تجربة شخصيه لما بنشر الموضوع ع سوشيال ميديا صفحات كبيرة او جروب متفاعل ، بلاحظ سرعه أرشفة أعلي.

اتمني كدا نكون غطينا اهم النقط اللى تساعد في تحسين سرعة الزحف للموقع و الارشفة لصفحاتك في جوجل.

انت بقى مشاكل تأخر أرشفة المواضيع، بتتعامل معاها ازاي؟